كوردانی ڕۆژئاوا: كۆڕەوێكی چاوەڕواننەكراو!
کوردەکانی رۆژاوای کوردستان دوای کەمتر لە دوو ساڵ راپەڕین، لەوپەڕی بێئومێدیدا رووی خۆیان بەرەو هەرێمی کوردستان وەرگێڕا و کۆڕەوێکی لە ناکاویان دەستپێکرد. میللەتێک بە درێژایی مێژووی سەد ساڵی رابردوو بە حەسرەتی کەمێک سەربەخۆیی بووە، هۆی چییە لەکاتی دەسەڵاتی ناوخۆییدا وڵاتەکەی چۆڵ دەکات؟! چ هەڕەشەیەک یان تەماعێک یان پیلانێک لە پشت ئەو بڕیارە گشتیەدا هەیە؟
(IRDK) ئەنیستیتۆی توێژینەوە و گەشەپێدان، لە تەوەرێكدا لێكۆڵینەوەی لە هۆكارەكانی كۆچكردن كرد. تەوەری دووەم بۆ باسكردن لە بزووتنەوەی سیاسی و باری سیاسی لە كوردستانی ڕۆژئاوا و ئەو ئەگەرانەی كەوا دەكەوێتە پێشیەوە بوو. جەختی ئەنیستیتۆ زیاتر لەسەر ڕای ناوخۆیی رۆژاوا بوو, ئەوەی كە لەم لێكۆڵینەوەیەدا جەختی لەسەر كراوەتەوە ناكەوێتە بواری دیبلۆماسیەتی ڕەسمی كە بەردەوام ڕای گشتی و چاودێران كەمتر ئاگایان لێیەتی.
